E ardhmja në dilemë? Gazetarët “ngacmojnë” Guardiolen, përgjigja e trajnerit |

Lexo edhe:

Manchester City në kaos, ekipi i Guardiolës pëson humbjen e radhës në kampionat

Arabët kërkojnë Kevin De Bruyne, Man.City i vendos çmimin belgut

E ardhmja e Pep Guardiolës te Manchester City-t mbetet ende temë e nxehtë.

Së fundmi, trajneri është pyetur për këtë çështje nga gazetarët, në prag të miqësores me Milanin në Nju Jork.

“Kur të largohem, do të them që po largohem, por nuk e thashë këtë. Do të shohim se çfarë do të ndodhë. Nuk e përjashtoj fare vazhdimin e kontratës. Do të doja të qëndroja.

Nëntë vjet sot në të njëjtin klub janë një përjetësi. Dua të jem i sigurt se është vendimi i duhur. Jo vetëm për mua, për klubin, për lojtarët. Në të njëjtën kohë, ne kemi qenë të suksesshëm dhe ende po fitojmë Premierë dhe po luajmë në gara si Liga e Kampionëve. Kjo është ndjenja ime tani” – tha tekniku, i cili ka një kontratë ekzistuese, të vlefshme deri në vitin 2025.

Guardiola, në bazë të statistikave, është trajneri më suksesshëm te klubi nga Manchesteri. Nën drejtimin e tij, ekipi ka fituar gjashtë tituj kampion, dy Fa Cup dhe Championsin e parë.

53-vjeçari numëron 472 ndeshje në krye të kësaj pankine, teksa ekipi ka marrë mesatarisht 2.34 pikë për takim.

Largimi i tij nga City për momentin duket si një skenar i vështirë, duke patur parasysh faktin se drejtuesit e kampionëve të Anglisë do bëjnë të pamundurën që të mbajnë në skuadër “timonierin”.

Në sezonin e ri, Haaland me shokë do të synojnë të fitojnë të gjitha trofetë e mundshme.