Erjona Rusi dhe Arjon Muça kanë njoftuar sot se nuk do të moderojnë me emisionin “Shqipëria Live” në Top Channel.
Mes falenderimesh dhe emocionesh, ata njoftuan se nuk do jenë më pjesë e emisionit, por do vijojnë të jenë pjesë e “Top Channel”.
“Për arsye pak personale dhe pak shëndetësore, sezonin e ardhshëm nuk do të jem më në Shqipëria Live”, -tha Erjona duke shtuar se sa e vështirë ishte për të ta bënte këtë njoftim.
“Falënderimi i takon publikut. Natyrisht nuk është për klishe, por kemi një falënderim të jashtëzakonshëm për drejtuesit e këtij televizioni, për mbështetjen e pakursyer për të punuar në një ambient fantastik dhe për t’u ndjerë vetvetja çdo ditë, mbi të gjitha, edhe profesionalisht,” shtoi më tej Erjona Rusi.
Ndërkohë, edhe Arjoni ka bërë falënderimet e tij për bashkëpunimin prej gati dy vitesh me kolegen Erjona Rusi.
“Ka qenë një rritje e jashtëzakonshme për mua fakti që të punoja me një gazetare profesioniste si ty”, shtoi Muça.
Kolegia e tij, nuk i kurseu publikisht vlerësimet për të si nga ana profesionale, por edhe si individ.
“Ka qenë kënaqësi shumë e madhe dhe jo për të thënë 100 herë faleminderit dhe jo se e kam këtu në krah, por këto dy vite kanë qenë fantastike me ty Arjon Muça. Ndodh rrallë që të gjesh një njeri të jashtëzakonshëm në punë, por edhe të jashtëzakonshëm si njeri.” – tha Erjona Rusi
“Mbyllim Shqipëria Live, por do shihemi në aventura të reja!” -tha Arjoni, teksa Erjona shtoi: “Patjetër, këtu do jemi në shtator, nuk do ju ndahemi. Thjesht s’do jemi në këtë stol.”
Erjona ka moderuar emisionin “Shqipëria Live” për 5 vite, kurse bashkë me Arjonin kanë bashkëpunuar në 2 sezone.
View this post on Instagram
