Policia e Krujës ka ndërmarrë këtë të enjte një aksion kundër kultivimit të kanabisit. Gjatë kontrolleve në fshatin Msheq Njësia Administrative Cudhi, u gjetën 22 ambiente për kultivimin e lëndës narkotike, si dhe u sekuestruan 148 bimë të dyshuara kanabisi.
Një pjesë e bimëve u sekuestrua në cilësinë e provës materiale, ndërsa pjesa tjetër u asgjësua me anë të djegies.
Policia nuk ka mundur të identifikojë asnjë prej autorëve.
Gjatë kontrolleve u zbuluan 22 ambiente të përshtatura për kultivim, në fshatin Mafsheq, Njësia Administrative Cudhi, në të cilat u gjetën 148 bimë të dyshuara narkotike kanabis”, thuhet në njoftimin e policisë.
Materialet procedurale i kaluan Prokurorisë, për veprën penale “Kultivimi i bimëve narkotike”, parashikuar nga neni 284 i Kodit Penal.
