Një skandal duket se ka shpërthyer së fundmi në burgjet e Britanisë së Madhe.
Media britanike “The Sun” raporton se të burgosurit kanë pohuar se kanë paguar gardianet femra të burgut deri në 2 mijë paund për të kryer marrëdhënie seksuale në qelitë e tyre të burgut.
Akuzat kanë dalë në dritë pas një sërë mesazhesh mes të burgosurve dhe ish kriminelëve në një bisedë në rrjetin social “TikTok” të transmetuar nga një qeli burgu.
Një ish-i dënuar shqiptar pohoi: “Ne shqiptarët kemi bërë seks me oficere burgu për 2000 £.”
“Shqiptari Eugert Merizaj, i cili po vuan dënimin me 32 vite burg për rolin e tij në vrasjen brutale me armë gjahu të një rivali të drogës, mburret se kishte “kishte lidhur një gardiane me një tjetër të burgosur”, shkruan The Sun.
Ai pohoi gjithashtu se është përpjekur që të shmangte takimet për të kryer marrëdhënie seksuale me stafin e burgu me qëllim për të mos i shtuar vitet e dënimit, thuhet në investigimin e medias britanik.
Merizaj foli edhe sesi gardianet femra i kanë hyrë në dhomën e tij për ta zgjuar për mëngjes dhe kanë kontrolluar dhomën e tij.
Këto akuza të reja vijnë pas video-skandalit të publikuar në muajin Qershor, ku shfaqej një gardiane duke kryer marrëdhënie seksuale me një prej të burgosurve në qeli të burgut HMP Wandsworth të Londrës
Protagonistja e videos është 31-vjeçarja Linda De Sousa Abreu, një modele seksi që është shfaqur më herët në një dokumentar të Channel Four për seks treshe dhe orgji.
Në video-n që u bë virale në rrjet dhe ka shkaktuar tërmet në ministrinë britanike të Drejtësisë, shihej gardiania Linda në gjunjë duke kryer një akt seksual, ndërsa më pas zbërthen uniformën dhe ul pantallonat për të vijuar marrëdhënien me të burgosurin.
Numri identifikues në uniformë është WW 1098 dhe ajo shfaqet dukshëm në video ashtu si dhe fytyra e saj.
Linda De Sousa Abreu u paraqit në Gjykatën e Magjistraturës Uxbridge, ku iu dha një lirim me kusht dhe do të paraqitet për një seancë dëgjimore për pranimin e fajësisë dhe menaxhimin e çështjes më 29 korrik në Gjykatën Isleworth Crown.
