Priteshin rezultate shumë herë më pozitive.
Deri më tani i vetmi ekip shqiptar, që ka arritur fitore në fazën e parë të kualifikueseve evropiane është Partizani, teksa pas Egnatias, Ballkanit, Strugës, Decicit e Llapit me humbjen është njohur edhe Tirana.
Pasi regjistruarn barazimin 1-1, në sfidën e parë përballë gjeorgjianëve të Torpedo Kutaisi, bardheblutë kërkonin mbrëmjen e kësaj të enjteje triumfin në “Elbasan Arena”, mirëpo ky triumf nuk erdhi kurrë.
Pjesa e parë ishte mjaft e luftuar, nga të dyja palët. Bardheblutë u treguan të pasaktë, teksa nuk gjetën dot rrugën e rrjetës, edhe pse goditën 4 herë portën.
Mysafirët ndëshkuan ekipin e Bledi Shkëmbit shumë shpejt, që në minutën e 3-të me Johnsen, pas një asisti të Mchedlishvilli.
Pavarësisht rasteve në pjesën e dytë, rezultati mbeti i pandryshuar, Tirana mbyll shumë shpejt kështu rrugëtimin në Conference League.
