Ka përfunduar koha e rregullt mes Egnatias dhe Borac Banja Luka.
Rrogozhinasit triumfuan në “Elbasan Arena” me rezultatin 2-1, ndërsa skuadra e kualifikuar për në turin tjetër të Champions League do të vendoset pas kohëve shtesë.
Takimi i parë në Bosnje u mbyll 1-0 në favor të vendasve me rezultatin e përgjithshëm 2-2 që i dërgon ekipet në shtesë.
Për sa i përket ndeshjes së sotme, në minutën e 16-të Ibrahimoglu shënoi golin e avantazhit për kampionët e Shqipërisë. Por festa e rrogozhinasve nuk zgjati shumë, pasi në të 30’ Lukiç barazon shifrat.
Ndërkohë heroi i Egnatias ishte Lorougnon Doukouo, i cili me golin në minutën e 82-të shpëtoi skuadrën nga eliminimi duke dërguar gjithçka në shtesë.
