Presidenti i shteteve të bashkuara të Amerikës, Joe Biden në një interviste për NBC News ka pranuar se pas atentatit ndaj Donald Trump të shtunën ai është penduar për retorikën e ashpër që ka përdorur ndaj tij gjatë fushatës.
Ai sqaroi se kur përdori termin “shenjtëstrojeni atë” donte të thoshte që amerikanët duhet të vejnë në dukje veprimet e tij të gabuara.
“Ishte një gabim përdorimi i fjalës. Unë kur thashë “Trumpi duhej të vihej në shënjestër”, doja se qytetarët të përqendroheshin tek ai. Të kuptonin se çfarë po bënte ai, te veprimet e tij.”
Biden iu është përgjigjur edhe njëherë kritikëve duke theksuar se mosha e tij nuk lidhet me performancën e dobët në debatin presidencial ë qershor.
“Unë jam i vjetër, por jam vetëm tre vjet më i vjetër se Trump. Jam i moshuar. E kuptoj pse njerëzit thonë ‘Zot, ai është 81-vjeçar.
Çfarë do të bëhet kur të jetë 83-vjeçar, 84’. Është një pyetje legjitime për t’u bërë. Në tre vjet e gjysmë kam bërë më shumë se çdo president tjetër në një kohë shumë të gjatë. Për këtë jam gati të gjykohem”, tha ai.
Debati i radhës presidencial pritet të zhvillohen me 10 shtator.
