Banorët në fshatin Fullqet në Bashkinë e Klosit kanë protestuar për ujin vaditës, duke kërkuar që të ndërhyhet sa më parë dhe të bëhet i mundur që uji vaditës të shkojë në fshat.
Gjithashtu banorët janë shprehur se po ju thahen të mbjellat dhe ky është viti i parë që ndodh një situatë e tillë, që me ndërtimin e një tjetër HEC-i në Xibër, nga ku dhe marrin ujin vaditës.
Sakaq banorët theksojnë se shkak bëhen hidrocentralet e ndërtuara në fshatin Xibër të cilat nuk respektojnë kontratën e përdorimit të ujit nga data 15 Maj deri me datë 15 Shtator.
Ndërkohë me ujin e zallit të fshatit Xibër Hane në Xibër vaditin 4 fshatra të Klosit, si Darsi, Bel, Unjate dhe fshati Fullqet. Ky i fundit ka edhe sipërfaqen më të madhe të tokave që kultivohen me kultura të ndryshme bujqësore.
