Talenti 17 vjeçar shqiptar, Matteo Dashi, është zyrtarisht lojtar i klubit të njohur anglez Crystal Palace.
Dashi, një produkt i akademisë fillimisht iu bashkua me moshat U-14 dhe ka avancuar në grupmosha, madje duke u paraqitur për U-21 sezonin e kaluar.
Ai ishte një shtyllë në skuadrën e U-18 të Rob Quinn sezonin e kaluar. 17-vjeçari bëri 30 paraqitje të jashtëzakonshme për U-18-at në të gjitha garat, duke shënuar katër gola dhe duke dhënë tre pasime për gol për shokët e skuadrës.
Dashi gjithashtu ishte pjesë e Shqipërisë U-17 në kualifikueset e kampionatit evropian U-17 sezonin e kaluar.
Pas nënshkrimit të kontratës së parë profesionale, Dashi tha: “Është mirë padyshim, është një ndjenjë e mrekullueshme. Ky është klubi i parë në të cilin kam qenë në nivel Akademie dhe jam vërtet mirënjohës për mundësinë”.
