UEFA ka ndëshkuar pa “mëshirë”, gjatë Kampionatit Evropian të futbollit, Euro 2024, ku jo në pak raste ka patur edhe pezullime të lojtarëve, me nga dy ndeshje, siç ishte rasti i sulmuesit të Kombëtares sonë, Mirlind Daku apo qendërmbrojtësit turk, Merih Demiral, por ndryshe ka qenë situata me yllin e Anglisë, Jude Bellingham.
Demiral u pezullua për dy ndeshjes, pasditen e së enjtes, gjatë festimit të golit të dytë, ndaj Austrisë ku bëri gjestin e përshëndetjes së ujqërve, i cili simbolizon “Ujqërit Gri”, organizatë turke e ekstremit të djathtë dhe kështu do të mungojë në çerekfinalen e madhe, kundër Holandës, e cila është planifikuar të zhvillohet mbrëmjen e së shtunës.
Turqia ka apeluar vendimin në UEFA, teksa gjesti u kthye shpejt në një çështje politike, mirëpo duket se UEFA e ka ndarë mendjen për vendimin e saj, teksa ndëshkimi ishte pak a shumë i njejtë me atë të “bomberit” tonë, Mirlind Daku, i cili pas barazimit me Kroacinë shpërtheu në thirrje raciste kundër serbëve.
Mirëpo, komplet i kundërt ishte vendimi për Jude Bellingham, i cili duket se është “përkëdhelur” më shumë seç duhet nga UEFA, të cilët kanë vendosur ta pezullojnë me vetëm 1 ndeshje, si dhe ta gjobisin me 30 mijë euro pas fyerjes që bëri në drejtim të pankinës sllovake.
Mirëpo pezullimi është me afat 1-vjeçar, çka do të thotë se “galaktiku” i Real Madrid mund të luajë ndaj Zvicrës dhe dhë dënohet përfundimisht vetëm në përsërit të njëjtin gjest brenda 12 muajve të ardhshëm.
