Një skandal është regjistruar në Greqi, pasi deputeti i partisë “Demokracia e Re” e Kyriakos Mitsotakis dhe ish-ministri i Bujqësisë, Lefteris Avgenakis ka dhunuar fizikisht një punonjës të aeroportit të Athinës.
Shkak është bërë se deputetit grek ka humbur avionin, pasi ka qenë me 10 minuta vonesë, dhe sipas tij, punonjësi i kompanisë ajrore me të cilën udhëtonte ish ministri, duhet të mos lejonte avionin e linjës Athinë-Kretë të nisej.
Pasi e ka kërcënuar punonjësin, Lefteris Avgenakis hyri brenda banakut dhe në vazhdim e kërcënoi dhe e dhunoi atë në vendin e punës.
Punonjësi nuk reagoi, madje u tërhoq duke e sqaruar ish-ministrin e ” tërbuar” se e kishte thirrur tre herë të paraqitej pasi avioni po bëhej gati të nisej.
Madje hera e fundit që ai e thirri atë ishte në momentin që aeroplani kishte ndezur motorët për tu nisur, por sërish Lefteris Avgenakis kishte preferuar të shijonte një kafe me miqtë e tij që e shoqëronin dhe jo t’i drejtohej “Gate-t” si gjithë pasagjerët e tjerë.
Çështja mori menjëherë përmasa të mëdha. Opozita e akuzoi “Demokracinë e Re” se ka sjellje brutale në modelin qeverisës çka duket kudo në jetën politike dhe sociale të vendit.
Edhe vetë deputetët e Demokracisë së Re thanë se janë të shokuar nga ngjarja,ndërsa kryetari i parlamentit Kostandinos Tasulas e thirri me urgjencë zotin Lefteris Avgenakis të japë sqarime lidhur me ngjarjen.
Tashmë konsiderohet e sigurt se ai do të dëbohet nga grupi parlamentar dhe me gjasa edhe nga Demokracia e Re.
Vetë Lefteris Avgenakis pranoi se ka qenë protagonist i ngjarjes por versioni i tij devijon nga pamjet të cilat e tregojnë qartë dhunën ndaj punonjësit. Ai kërkoi ndjesë dhe tha se do të pranojë pa anjë rezervë heqjen e imunitetit të tij nëse prokuroria vendos të nisë procedim penal për ngjarjen.
ΑΓΡΙΟ ΞΥΛΟ ΑΠΟ ΥΠΟΥΡΓΟ ΣΕ ΥΠΑΛΛΗΛΟ ΤΟΥ ΕΛ. ΒΕΝΙΖΕΛΟΣ! #ΥΠΟΥΡΓΟΣ #ΑΕΡΟΔΡΟΜΙΟ #ΕΛΕΥΘΕΡΙΟΣΒΕΝΙΖΕΛΟΣ pic.twitter.com/i2OC02jZ1c
— Voice News (@apokalyptikodel) July 2, 2024
