Një i ri nga Bulqiza është arrestuar nga Policia, pasi i është gjetur armë pa leje dhe një sasi kanabisi në banesë.
Në pranga është vënë shtetasi Roland Gjikola, 30 vjeç, banues në fshatin Sopot, i cili akuzohet për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi dhe shitja e narkotikëve”.
“Gjatë kontrollit të banesës së 30-vjeçarit, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë, 24 copë fishek, si dhe një sasi e vogël lëndë narkotike kanabis.” – thuhet në njoftimin e Policisë.
Materialet i kaluan Prokurorisë së Dibrës për veprime të mëtejshme procedurale.
