Pas më shumë se një muaji pushim, Dinamo nisi dje përgatitjet e sezonit të ri.
Në kompleksin e Arbanës në periferi të kryeqytetit, “blutë” zhvilluan një seancë të lehtë në orën 18:00, ku të pranishëm ishin të gjithë lojtarët që kanë qëndruar nga sezoni i kaluar, 4 afrimet e deritanishme Dita, Teqja, Mandela dhe Qardaku, si dhe disa të rinj, të cilët do të testohen nga trajneri Dritan Mehmeti.
Në fushën e stërvitjes ishin më shumë se 20 lojtarë. I pranishëm në selinë blu ishte edhe presidenti Adrian Bardhi dhe të gjithë drejtuesit e klubit kryeqytetas.
Gradualisht lojtarët do të fillojnë të marrin ngarkesat, ndërkohë që grupi do të plotësohet me lojtarë të tjerë që pritet të bashkohen me Dinamon gjatë ditëve në vazhdim.
