Policia e Shtetit ka dalë me një komunikatë zyrtare në lidhje me arrestimin e 50-vjeçarit Astrit Avdyli, teksa ka publikuar edhe pamjet e operacionit për kapjen e “kokës” së grupit të Shijakur brenda vilës së tij.
Astrit Avdyli ishte shpallur në kërkim nga SPAK, në kuadër të operacionit të SPAK të koduar “Revanshi” të ekzekutuar në muajin Maj, ku u lëshuan 50 urdhër-arreste ndaj 7 grupeve kriminale në Shqipëri.
Në operacionin për kapjen e Astrit Avdylit kanë marrë pjesë forcat Operacionale në Policinë e Shtetit me mbështetjen e forcave speciale RENEA. Në momentin e arrestitmi, Astrit Avdyli, i njohur me nofkën “Niçja”, ka qenë i armatosur me një armë zjarri pistoletë pa leje.
“Operacioni në masa të larta sigurise, bazuar në inteligjencën policore për vendodhjen e një të shumëkërkuari me rrezikshmëri të lartë shoqërore. Kapet dhe vihet në pranga shtetasi Astrit Avdyli, 50 vjeç, banues në Shijak, i shpallur në kërkim në kuadër të operacionit “Revanshi”.
Në momentin e ndërhyrjes së forcave policore, 50 vjeçarit ju gjet një armë zjarri pistoletë me municion luftarak. Në vijim të veprimeve, Specialistët e Sektorit për Hetimin e Grupeve Kriminale në Departamentin e Policisë Krimianale, bënë të mundur ekzekutimin e vendimit të Gjykatës, e cila ka caktuar ndaj këtij shtetasi masën e sigurisë “Arrest në burg”.” – thuhet në njoftimin e Policisë.
Sipas SPAK, Ervis Martinajt në aleancë me grupin e drejtuar nga ish deputeti i PS-se Arben Ndoka dhe bashkëpunëtor me grupin kriminal të Avdylajt në Durrës rekrutonin vrasës me pagesë të cilët veprojnë kryesisht në zonën e Fushë – Krujës dhe në zonën e Burrelit.
Hetimet nisën pas transkriptimeve të bisedave përmes kodeve ‘Sky’ që këta persona përdornin me njëri-tjetrin. Sipas hetimeve banda e Avdylajve në Shijak bashkëpunonte me atë të Bajrave në Shkodër dhe Ndokajve në Lezhë.
