Patrick Robson de Souza Monteiro nuk është më futbollist i Tiranës. Vetë sulmuesi, përmes një postimi në “Instagram” ka njoftuar mbylljen e aventurës me klubin bardheblu.
“Faleminderit Tirona. Ishte kënaqësi të isha pjesë e ekipit më të madh në Shqipëri. Shumë faleminderit tifozëve për dashurinë e tyre“, shkruan 26-vjeçari.
Patrick shënoi 4 gola gjatë sezonit që lamë pas, në 19 ndeshjet që luajti me bardheblutë. Vetëm 8 prej së cilave si titullar.
Braziliani arriti të fitonte Superkupën e Shqipërisë me Tiranën në dhjetor të vitit 2022. Mbetet për t’u parë se ku do të jetë e ardhmja e sulmuesit, për të cilin ka interesim nga disa klube të Superiores.
Të besuarit e Bledi Shkëmbit do të luajnë ndeshjen e parë në transfertë, në datën 11 korrik. Takimi i kthimit, pas një jave në “Air Albania”.
