Arrestohet autori i zjarrvënies në fshatin Vllahat në Delvinë. Uniformat blu bëjnë me dije se në pranga ka rënë një 56-vjeçar, i cili dyshohet se ditën e djeshme dogji një sipërfaqe toke me 2300 pemë ullinj, me pronarë të ndryshëm.
“Në vijim të punës hetimore për zbulimin dhe kapjen e autorëve të zjarrvënieve, si rezultat i informacioneve dhe provave të grumbulluara nga Komisariati i Policisë Delvinë, u bë arrestimi në flagrancë i shtetasit L. Q., 56 vjeç, banues në Delvinë.
Ky shtetas dyshohet se ditën e djeshme ka djegur me zjarr një sipërfaqe toke me 2300 pemë ullinj, me pronarë të ndryshëm, në fshatin Vllahat, Delvinë.”- njofton policia.
Materialet i kaluan Prokurorisë së Rrethit Gjyqësor Sarandë për veprën penale “Shkatërrimi i pronës me zjarr”.
