Nga kryetarja e SHISH tek Ardi Veliu, kush do të dëshmojë në mbledhjen e radhës së “TIMS-it”

Është bërë publike lista e dëshmimtarëve që do të merren në pyetje në mbledhjen e radhës së komisionit hetimor parlamentar për vjedhjen e sistemit TIMS në Policinë e Shtetit.

Në mbledhjen që pritet të mbahet të martën, më 2 Korrik, pritet të dëshmojë kryetarja e SHISH, Vlora Hyesni; kreu i Agjencisë së Mbikëqyrjes Policore, Florian Sulejmani dhe ish kreu i AMP-së, Ardi Veliu.

Drejtoresha e SHISH, Vlora Hyseni ishte planifikuar që të dëshmonte që në mbledhjen e kaluar, por nuk u paraqit me arsyetimin se ishte në një aktivitet. Kryetari i komisionit, deputeti i PD-së Ervin Salianji e paralajmëroi se nëse ajo nuk do të paraqitej në mbledhjen e ardhshme, do të urdhëronte për ta shoqëruar me Polici.

LISTA

Ora 11:00 – Znj.Vlora Hyseni, Drejtore e Shërbimit Informativ të Shtetit;

Ora 12:00 – Z. Florian Sulejmani, Drejtor i Agjencisë së Mbikqyrjes Policore;

Ora 13:00 – Z. Ardi Veliu, Ish- Drejtor i Agjencisë së Mbikqyrjes Policore;