Dita e gjashtë e europianit të notit është shoqëruar me rezultate pozitive për kombëtaren shqiptare, e cila ia ka dalë të dhurojë performancë të jashtëzakonshme.
Në përfundim të garave të kësaj të shtune është konfirmuar dhe emri i parë që do të përfaqësojë kuqezinjtë në olimpiadën e Parisit, ai është Grisi Koxhaku.
18-vjeçari nga Berati vendosi një tjetër rekord kombëtar me performancë ne tij në Beograd, duke u konfirmuar si notari më i shpejtë për këtë disiplinë për vendin tonë.
Në 50m stil i lirë Koxhaku u rendit i treti, por ishte shumë pranë dy vendeve të para, ndërsa vendosi kohën 23.38, ku koha më e mirë ishte ajo e Islandezit Aguston me 23.09.
Sa i përket Paolo Priskës, ai u rendit në vendin e dytë me kohën 24.25 sekonda, kjo ishte dhe arritja e tij më e mirë. Zhulian Lavdaniti vendosi kohën e tij më të mirë në këtë kampionat europian në 100m shpinë, në kohën 58.37 sekonda.
Lojërat Olimpike do të mbahen këtë verë në Francë duke filluar nga 26 korriku, ndërsa gjithçka mbyllet më 11 gusht.
