Një video po bëhet virale në rrjet e presidentit 81-vjeçar të Shteteve të Bashkuara të Amerikës, Joe Biden, i cili shihet duke u përhumbur gjatë një demonstrimi me parashutë në samitin e G7.
Siç shihet edhe në pamjet e mëposhtme, ndërsa liderët e tjerë qëndruan në vend, presidenti amerikan filloi të largohej ngadalë prej tyre dhe më pas qëndroi duke parë në të majtë, ndërsa dukej se vëzhgonte një parashutist që mblidhte pajisjet e tij.
Kryeministrja italiane Giorgia Meloni vuri re se Joe Biden nuk ishte aty për foton që do të bëhej, kështu që ajo iu afrua dhe duke e kapur lehtë për krahu, e çoi përsëri te liderët e tjerë. Ndërsa në fillim, presidentja e Komisionit Evropian Ursula von der Leyen e sheh e habitur.
