Anëtari i kryesisë së PD-së, Belind Këlliçi thotë se qytetarët dalin në protestë për të adresuar problematikën e korrupsionit në bashkinë e Tiranës.
Këlliçi shprehet se kallëzimet e tij në SPAK e vërtetojnë që drejtorët e bashkisë Tiranë janë bandë me në krye Erion Veliajn.
Ai shtoi se është një kryetar bashkie që ka raporte se like dhe share kanë në Facebook, por nuk di sa vjedhin drejtorët e tij që i kanë bërë fushatën elektorale.
“Berisha dhe Meta kanë qasjen e tyre ne raport me SPAK-un. Qytetarët dalin në protestë për të adresuar problematikën e korrupsionit në bashkinë e Tiranës që është e akuzuar tashmë. Këto që kemi thënë dhe kallëzimi që kam dërguar në SPAK ka vërtetuar se kemi të bëjmë me një bande dhe kreu i saj është Erion Veliaj.
Është një kryetar bashkie që ka raporte se like dhe share kanë në Facebook, por nuk di sa vjedhin drejtorët e tij që i kanë bërë fushatën elektorale, me 45 procedura publike që i vjedhin, sigurisht që keni dijeni. Unë kam evidentuar së paku 45 të tillë, por mund të ketë shumë më shumë.”- tha Këlliçi për oranews.
