Klubi i Ballkanit ka ndarë rrugët me mesfushorin me tipare sulmuese Nazmi Gripshi.
Kontrata mes palëve ka përfunduar këtë verë ndërsa nuk është gjetur akordi për rinovimin e saj.
26-vjeçari durrsak u transferua në elitën e futbollit Kosovar në vitin 2020, teksa në Kategorinë Superiore ka qenë pjesë e Teutës dhe Skënderbeut me këtë të fundit u shpall kampion në vitin 2018.
Këtë sezon ai ishte një ndër lojtarët më të spikatur të Ballkanit teksa u aktivuzua në 31 ndeshje dhe realizoi 15 gola. Në kohën e tij te Ballkani ai u shpall tre herë fitues i kampionatit.
Njoftimi i klubit:
Faleminderit Nazmi Gripshi!
Bëjmë me dije se marrëveshja me futbollistin nga Durresi ka përfunduar, andaj klubi e falenderon mesfushorin për kontributin e dhënë tek ne, duke i uruar suksese në vazhdim të karierës së tij.
