Egnatia duket se ditën e sotme e ka filluar me “vrull” merkaton.
Rrogozhinasit pak orë më parë transferuan Zamiq Alijev nga Azerbajxhani, ndërsa tani bëjnë me dije një tjetër transferim “BIG”.
Kampionët e Shqipërisë kanë nënshkruar një kontratë 3-vjeçare me ish-mesfushorin e klubit të Tiranës, Regi Lushkja.
28-vjeçari, zhvilloi 34 ndeshje sezonin e kaluar për ngjyrat bardheblu, ku arriti të shënojë edhe një gol.
Tani më ai do t’i bashkohet rrogozhinasve, një lëvizje që lojtarit i është dukur si një zgjedhje më e mirë për karrierën personale.
Klubi i Egnatias e bëri të ditur transferimin e Lushkjes nëpërmjet një postimi në faqet e tyre zyrtare të rrjeteve sociale.
