Brazili ka nisur përgatitjet për Kupën e Amerikës, teksa pesë herë Kampionët e Botës luajtën miqësoren e parë ndaj Meksikës.
Një takim që në fakt e fituan me rezultatin 2-3 vetëm falë një goli të Endrick në minutën e 96.
Ishte një kombinim mes lojtarit më të ri të Realit dhe Vinicius Junior që gëzoi “Selecaon”.
Vinicius harkoi në zonë dhe aty Endrick si një sulmues i vërtetë shënoi me kokë duke i dhuruar fitoren skuadrës së tij.
Kujtojmë se 17-vjeçari (mbush 18 në korrik) do t’i bashkohet Real Madrid në sezonin e ardhshëm aty ku me siguri do të ketë mundësi për të tjera kombinime me Vinicius Junior.
