Me mbylljen e kampionatit, te Burreli kanë nisur largimet dhe i fundit që është “divorcuar” me matjanët është sulmuesi nigerian, Namdi Justin Naza.
23-vjeçari nga Nigeria në sezonin e fundit u aktivizua në 11 ndeshje (10 në kampionat dhe 1 në Kupë, me 495 minuta në total.
Ai ka shënuar një gol në fazën e parë ndaj Tomorit në Berat, që u fitua nga matjanët me rezultatin 1-0. I afruar në merkaton e verës, pritej që sulmuesi të kishte rezultat, por ndodhi e kundërta.
Me përfundimin e kontratës ai do të lihet i lirë. Lojtari, i ndodhur me pushime në Itali, është në pritje të ofertave dhe nuk mendon kthimin në Burrel.
Emërimi i Ditmar Bicit në postin e trajnerit, është hapi i parë për ndërtimin e skuadrës së Burrelit për sezonin e ri.
