Një 32-vjeçar është arrestuar nga Policia në Tiranë pasi akuzohet se ka përshtatur lokalin për veprimtari të paligjshme të lojërave të fatit. Policia bën me dije se në pranga ka rënë i riu me iniciale A.P, i cili luante lojëra fati në lokalin në administrim të tij, në rrugën “Him Kolli”.
Gjatë kontrollit në këtë ambjent bëhet me dije se janë gjetur dhe sekuestruar në cilësinë e provës materiale 2 kompjutera dhe 2 aparate celularë që shërbenin për ushtrimin e llotarive të palejuara.
Njoftimi i Policisë:
Seksioni për Hetimin e Mashtrimit Kompjuterik në vijim të punës për goditjen e veprimtarive të jashtëligjshme të lojërave të fatit, ka finalizuar operacionin policor të koduar “Two”. Gjatë operacionit u arrestua në flagrancë shtetasi A. P., 32 vjeç, banues në Tiranë, për veprat penale “Organizimi ose ushtrimi i veprimtarive të lojërave të fatit në kundërshtim me ligjin” dhe “Vënia në dispozicion e lokaleve për lojëra të palejuara”.
Gjatë kontrollit të ushtruar në një ambient në rrugën “Him Kolli”, në administrim nga 32-vjeçari, u gjetën dhe sekuestruan 2 kompjutera dhe 2 aparate celulare që shërbejnë për ushtrimin e llotarive të palejuara. Materialet procedurale i kaluan Prokurorisë, për veprime të mëtejshme.
