Prokuroria e Tiranës, në bashkëpunim me Agjencinë e Mbikëqyrjes Policore ka lëshuar dy masa sigurie “Arrest me burg”, tre masa sigurie “Arrest në shtëpi” dhe katër masa sigurie “Detyrim Paraqitje” për të goditur një skemë korrupsioni në radhët e policisë kufitare në Rinas.
Prej masave “arrest me burg”, një është për ish-kreun e Transportit Ndërqytetas, Eneo Sulejmanaj, teksa tjetra nuk është ekzektuara ende nga ana e Policisë.
Efektivët e Policisë në bashkëpunim me njëri-tjetrin dhe Eneo Sulejmanajn, mundësonin kalimin e shtetasve që ju ndalohej kalimi në territorin e vendeve të Bashkimit Evropian nëpërmjet Aeroportit të Rinasit. Sipas organit të drejtësisë, kjo skemë kriminale është zbardhur pas zbërthimit të telefonit të Eneo Sulejmanajt, i cili u arrestua pak kohë më parë për drogë.
EMRAT/ Policët kalonin drejt BE personat “non grata”, skema u zbulua nga telefoni i Sulejmanajt
