Ylli i Real Madridit, Federico Valverde, ka pohuar se të dy shokët e skuadrës Jude Bellingham dhe Vinicius Jr. e meritojnë çmimin Topi i Artë 2024.
Ai me shaka tha se do ta ndante trofeun përgjysmë dhe do t’ia jepte mesfushorit anglez dhe sulmuesit brazilian nëse do të mundej.
Në një bisedë live me fansat në aplikacionin The Residency, mesfushori uruguaian u pyet se kush mendonte se e meritonte Topin e Artë. Ai tha:
“Topi i Artë për Vini Jr apo Bellingham? Unë do ta ndaja përgjysmë. Të dy janë të jashtëzakonshëm”.
Edhe pse ai humbi 13 ndeshje për shkak dëmtimi, Vinicius ka zhvilluar një sezon të jashtëzakonshëm 2023-24 deri më tani. Ai ka shënuar 23 gola dhe ka dhënë 11 asiste në 38 paraqitje në të gjitha ndeshjet e luajtura me Los Blancos këtë sezon.
Braziliani ka dhënë disa paraqitje të paharrueshme këtë sezon. Ai realizoi një tregolësh në finalen e Superkupës së Spanjës kundër rivalëve të Barcelona-s, duke ndihmuar skuadrën e tij të fitojë 4-1.
Ai gjithashtu shënoi një dygolësh kundër gjigantëve të Bayern Munich në ndeshjen e parë të gjysmëfinaleve të Champions League në Allianz Arena.
Bellingham u transferua nga Borussia Dortmund te Real Madrid për rreth 103 milionë euro plus bonuse në fillim të sezonit 2023-24. Ai u përshtat menjëherë, duke u kthyer në një lojtar kyç për ekipin e Ancelotti-t.
Përveç driblimit dhe vizionit të tij, ai shtoi tregoi se është edhe një golashënues
