Ish-aktori i “General Hospital” Johnny Wactor u qëllua për vdekje në qendër të Los Anxhelosit teksa u përpoq që të ndërpresë një grabitje të shtunën.
Mediat e huaja shkruajnë se aktori u qëllua teksa dilte nga puna herët në mëngjes të shtunën, tha nëna e tij për KABC.
Në një deklaratë për CNN, agjenti i Wactor, David Shaul e përshkroi atë si një njeri spektakolar, “jo thjesht një aktor i talentuar që ishte i përkushtuar në zanatin e tij, por një shembull i vërtetë moral për të gjithë ata që e njihnin.
Wactor përfaqësonte punën e palodhur dhe këmbënguljen, dhe u përpoq të ishte më i miri që mund të ishte”, tha Shaul. “Koha jonë me Johnny ishte një privilegj që do t’i urojmë të gjithëve. Pas më shumë se një dekade së bashku, ai do të jetë në zemrat tona përgjithmonë.”
Nëna e Wactor, Scarlett Wactor, në një prononcim për CNN KABC dhe konfirmoi vdekjen e tij.
Ajo tha se djali i saj kishte qenë duke ecur me një nga kolegët e tij pasi kishte punuar në një lokal në qendër të qytetit.
Djali i saj fillimisht mendoi se makina e tij po vidhej, dhe ai iu afrua personit për ta pyetur. Në vend të kësaj, i dyshuari hapi zjarr dhe e la të vdekur aktorin.
Të shtënat ndodhën rreth orës 3:25 të mëngjesit të së shtunës, tha për CNN oficeri i Departamentit të Policisë së Los Anxhelosit, Tony Im.
Tre burra po përpiqeshin të vidhnin një person, kur viktima i ndërpreu. Njëri nga të dyshuarit nxori armën dhe qëlloi aktorin para se të largoheshin me veturë.
Viktima u dërgua në spital ku u konstatua i vdekur.
