Qëlloi me 5 plumba kryeministrin sllovak, agresori: Doja vetëm ta plagosja! |

Lexo edhe:

SHBA/ Sulm me armë në një shkollë të krishterë, 5 viktima dhe 7 të plagosur

Largimi nga politika? Rama i “pangopur”: Dua ta lë punën e kryeministrit, por kam “hallin” se…

Agresori i kryeministrit sllovak Robert Fico, Juraj Cintula, ka pranuar se ka qëlluar në drejtim të kryeministrit më 15 maj dhe i ka shkaktuar lëndime të rënda, por ka deklaruar se nuk ka tentuar ta vrasë kreun e qeverisë, por ka dashur “thjesht ta plagosë”.

Mediat në Sllovaki publikuan shpjegimin e vendimit me të cilin gjykata urdhëroi ndalimin e Cintulas të shtunën, në të cilin thuhet se ai tha se atij i vinte keq dhe i kërkoi falje kryeministrit.

“Ai e kupton se ka vepruar në mënyrë të papranueshme, se nuk është dashur ta lëndojë Ficon. Askush tjetër nuk e dinte se çfarë po planifikonte”, thuhet në shpjegimin e vendimit të Gjykatës Speciale Penale në Pezinok.

Ai tha se ka vendosur të shkojë në Handlova kur ka mësuar se atje do të mbahet mbledhja e qeverisë sllovake, me politikën e së cilës ai nuk është dakord.

Në atentatin e para disa ditëve Fico pësoi lëndime të rënda në stomak dhe në gjymtyrë. Ai u dërgua me urgjencë në spitalin e Banska Bistrica në gjendje kritike dhe iu nënshtrua dy operacioneve, ndërsa tani ndodhet në gjendje të qendrueshme.