Aleanca për Mbrojtjen e Teatrit ka mbajtur një protestë gjatë pasdites të së premtes me rastin e 4 vjetorit të shembjes të Teatrit Kombëtar në 17 maj 2020.
Gjatë fjalës tij, regjisori i njohur Edmond Budina ka deklaruar se kjo është një ditë zie dhe ngriti pyetjen se ku është Teatri i ri që u premtua. Ndërsa më tej shtoi edhe nëse ndërtohet, s’do të ketë më Teatër Kombëtar.
Regjisori Edmond Budina u shpreh se sot është ditë zie, ndërsa ngriti pyetjen se ku është sot Teatri që u premtua. Ai tha se edhe kur të ndërtohet, nuk do të kemi Teatër Kombëtar.
Regjisori theksoi se qeveria nuk ka kujdes për arsimin e kulturën, prandaj njerëzit ikin nga Shqipëria.
“Me shembjen e Teatrit u dëshmua dhuna e një qeverie mafioze. Ku është Teatri Kombëtar pas 4 viteve që u shemb? Ku është? Edhe kur të ndërtohet, nuk ka për të qenë Teatër Kombëtar. Sot është ditë zie për shembjen e teatrit. Qeveria nuk ka interes për kulturën. Nuk kemi as Ministri të Kulturës. Luftën tonë që kemi nisur do e çojmë deri në fund. Moralisht kemi fituar sepse kemi treguar qytetari dhe koherencë. Kjo është arsyeja se përse Shqipëria zbrazet, sepse qeveria nuk ka prioritet arsimin e kulturën”, tha ndër të tjera Budina.
