Juristi Çlirim Gjata ka komentuar thirrjen e Belinda Ballukut në SPAK ku u shpreh i bindur se ministrja e Energjetikës dhe Infrastrukturës nuk ka si të jetë jashtë përgjegjësive.
Ai argumentoi se ministria është një organ monokratik ku nuk merren vendime kolegjiale.
Gjata rikujtoi se Ballukut i është arrestuar drejtori më i rëndësishëm, duke iu referuar ish-kreut të ARRSH, Evis Berberit.
“Nuk ka si të jetë Balluku jashtë përgjegjësive. Ministria është organ monokratik, nuk është me vendime kolegjiale. Për një ligj me mënyrë kolegjiale të Berishës ky i fundit ndodhet në arrest sot. Këtu të themi që doli zonja dhe tha jam e qetë, po pse je drejtuese në ministri. Të është arrestuar një drejtor, më i rëndësishmi. Të gjithë ngrenë duart nuk dimë gjë, Rama thotë hanë kumbulla, për çfarë janë këta njerëz. Çështja është te përgjegjësia penale, sigurisht që ka. Për çfarë ke punuar aty”, tha Gjata në studion e “Open” në News24.
