Mes shumë problemeve, te Tirana kanë filluar edhe largimet e para, pasi një pjesë e madhe e titullarëve janë në fundin e kontratës. Një ndër emrat që pritet t’i japë lamtumirën ekipit është Filip Najdovski.
Mbrojtësi nga Maqedonia e Veriut u bashkua me ekipin në verën e 2020 dhe në katër sezone ia doli që të fitojë dy trofe, një kampionat dhe një Superkupë, ndërsa veç tyre edhe respektin e tifozëve.
31-vjeçari ka mbajtur edhe shiritin e kapitenit në ekip, ndërsa palët nuk kanë rënë dakord për rinovimin dhe fundi është pranë.
Tanimë Tirana nuk ka më asnjë ndeshje deri në fundin e qershorit, kur marrëveshja e Najdovskit skadon dhe mund të themi se ai është largimi i parë “big” nga ekipi.
Këtë sezon qendërmbrojtësi ka luajtur 24 takime në Superligë, duke shënuar një gol dhe për disa javë vuajti një lëndim që ndikoi në mosaktivizimin e tij.
