Fermerët e Beratit, Lushnjës dhe Fierit kanë zhvilluar një protestë për mungesën e tregut dhe uljen e çmimit të produkteve bujqësore. Ata kanë bllokuar aksin rrugor Berat-Lushnjë dhe kanë treguar problemet që i shqetësojnë.
Fermerët shprehen se një kilogram domate ua marrin me 20 lekë, ndërsa në Tiranë e shesin me 160 lekë. Po e njëjta situatë dhe me kastravecin, sipas tyre.
Në shenjë protesta ata i kanë hedhur kastravecët dhe domatet në rrugë.
“Kam kredinë, më vjen kredia tek shtëpia, me çfarë do e paguaj? Unë jam i mbytur, kastraveci po prishet. Nuk kam ku të vete më, boti do kredinë, edhe një javë afat kam, çfarë do bëj, me çfarë do i laj? Fëmijët i kam me temperaturë, nuk kam çfarë të bëj më. E pashë keq do iki. Kam qenë 15 vite në Greqi. Kjo protestë do vazhdojmë, do kërkojmë të drejtën tonë”, tha një fermer.
