Ka përfunduar procesi i kontrollit të dokumentacioneve të dorëzuara nga klubet shqiptare në lidhje me liçensimin e Kupave të Europës.
Pas kontrollit të dokumentacioneve, klubet: KF Egnatia, FK Partizani, KF Vllaznia, KF Tirana, KF Teuta, FK Dinamo, KF Laçi, FK Kukësi, KF Vllaznia dhe FK Apolonia kanë arritur të marrin licensën për pjesëmarrje në kompeticionet e UEFA-s dhe FSHF-së për sezonin 2024-2025.
Ky lajm ka qartësuar ambientin e klubit bardheblu në veçanti të cilët gjatë sezonit kanë qenë me merkato të bllokuar duke mos arritur të përforcojnë ekipin gjatë janarit.
Ndërkohë për shkak të mospërmbushjes së kritereve, klubeve KF Skënderbeu dhe FK Erzeni u refuzohet licenca për pjesëmarrjen në kompeticionet e UEFA-s për sezonin e ardhshëm.
Kryeqytetasit marrin kështu dritën jeshile për t’i dhënë start revolucionit që këtë verë. Merkato e verës do të jetë deçizive, shumë largime janë projektuar ku preken edhe titullarë absolut.
Disave u përfundon kontrata më 31 maj, disa të tjerë futen në vitin e fundit të marrëveshjes dhe duhet qartësuar e ardhmja e tyre. Veç largimeve, shumë e rëndësishme është edhe merkato në hyrje, aty ku si gjithnjë Tirana është një nga ekipet kryefjalë.
Lëvizja e parë e drejtuesve do të jetë konfirmimi i trajnerit të ri i cili do të ndihmojë në rindërtimin e skuadrës në këtë dritare transferimesh.
