Një 44-vjeçar është proceduar penalisht pasi tentoi të fuste në Shqipëri 30 mijë euro të padeklaruara.
Gjatë kontrollove të kryera nga policia kufitare e portit të Vlorës në hyrje të Republikës së Shqipërisë, është kaluar në vijën e dytë, për kontroll të detajuar, automjeti tip “Toyota”, që drejtohej nga 44-vjeçari me iniciale M. A.
Nga kontrollet, në kroskotin e këtij automjeti u gjetën 30.000 euro, të cilat ai tentonte t’i fuste në Shqipëri, pa i deklaruar konform ligjeve në fuqi.
Në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë për shtetasin M. A., 44 vjeç, banues në Vlorë, për veprën penale “Mosdeklarimi në kufi i të hollave dhe i sendeve me vlerë”, si edhe u sekuestruan shuma e parave.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
