Trajneri i Borussia Dortmund, Edin Terzic ka folur në prag të gjysmëfinales së dytë përballë Paris Saint-Germain në Champions League.
Tekniku gjermano-kroat ka shumë besim te ekipi i tij dhe kërkon që të gjithë së bashku të luajnë mirë për të prerë biletën e finales së madhe.
“Ne duhet t’i bëjmë të gjitha së bashku, me një plan dhe ide të mirë. Parisi do të luajë më mirë se javën e kaluar. Ne duam të presim biletën për finale. Ne do e arrijmë këtë gjë të gjithë së bashku.
Kur u ndeshëm në grupe nuk ishim në formën më të mirë. Kishim mungesë besimi në shumë drejtime. Në dy ndeshje që kemi zhvilluar deri tani kundër tyre në Dortmund, ne kemi treguar që mund të luajmë shumë mirë”, është shprehur Terzic.
Kujtojmë që sfida e kthimit mes PSG-së dhe Borussia Dortmund do të luhet të martën e 7 majit, në “Parc des Princes”, duke nisur nga ora 21:00.
Sfida e parë mes këtyre dy skuadrave ka përfunduar me fitoren 1-0 të gjermanëve.
