Tirana do të luajë me Vllazninë në kuadër të javës së 35-të të Superiores, sfidë shumë e rëndësishme për objektivat e dy skuadrave.
Kjo përballje do të luhet ditën e mërkurë në orën 16:00 në “Air Albania”, ku 3 pikët janë mëse të detyrueshme si për bardheblutë ashtu edhe për kuqeblutë.
Nuk do të jetë aspak një sfidë e lehtë për kryeqytetasit, të cilët aktualisht janë jashtë “Final – Four” dhe do të luajnë gjithçka për gjithçka në 2 javët e mbetura për të qenë pjesë e top-4.
Lajm i mirë për Erbim Fagun janë rikthimet e Regi Lushkjes, Fjoart Jonuzit dhe Liridon Latifit, të cilët do të jenë të gatshëm për timonierin e bardhebluve për të dhënë kontributin e tyre në Klasiken e Shqipërisë.
Megjithatë ka edhe lajme të këqija për kryeqytetasit. Ndaj shkodranëve nuk do të mund të llogarisin shërbimet e Bruno Lulajt.
Mbrojtësi u ndëshkua me kartont të verdhë në sfidën ndaj Laçit dhe në këtë mënyrë do të jetë i pezulluar. Fagu nis të ndërtojë formacionin pa 29-vjeçarin.
