Dueli Laçi-Tirana merr një rëndësi të veçantë për vijimësinë e Superiores, për shkak të situatës në të cilën gjenden dy skuadrat.
Kurbinasve u duhet medoemos fitorja për të vazhduar rrugëtimin e tyre ku synojnë të largohen nga vendi i 8 në klasifikim që çon në play-out.
Ndërsa për Tiranën, objektivi i qartë është katërshja e parë dhe vetëm një fitore mund t’ia sigurojë atë.
Bie në sy se në radhët e skuadrës vendase, trajneri Cungu ka lënë në stol Ujkën. Ndërsa te miqtë, Fagu i ka zgjedhjet e detyruara për shkak se nuk ka shumë lojtarë në dispozicion.
Ai është paraqitur me vetëm 6 lojtarë në stol, ku dy prej tyre janë portierë. Të tjerët janë Meta, Tolaj, Ahmetaj dhe Nikqi.
FORMACIONET ZYRTARE:
LAÇI: Dajsinani, Mjaki, Kurti, Da Silva, Prodani, Qato, Manellari, Tresa, Kryeziu, Melo, Sobouejll
TIRANA: Kozi, Lulaj, Hoxhallari, Mici, Haxhiu, Deliu, Najdovski, Jaku, Përgjoni, Abazaj, Patrik.
