Këshilli i Lartë Gjyqësor ka vendosur që gjyqtari Tonin Sterkaj të merret në mbrojtje për 6 muaj pas shpërthimit me tritol në banesën e tij.
Pista kryesore e hetimeve lidhet me detyrën e Tonin Sterkajt si gjyqtar, megjithatë po hetohen dhe pista të tjera.
Kamerat e sigurisë të një banese pranë kanë filmuar momentin e vendosjes së lëndës plasëse në banesën e gjyqtarit.
Një person i maskuar dallohet teksa i afrohet banesës në këmbë, hedh lëndën plasëse dhe largohet me shpejtësi. Shpërthimi ka shkaktuar vetëm dëme materiale.
Ndërkohë policia e Shkodrës ka shoqëruar deri tani tre persona por ende nuk ka asnjë person të dyshuar.
