Një burrë nga Prrenjasi është larguar nga banesa mëmngjesin e djeshëm dhe nuk është kthyer më.
Bëhet fjalë për shtetasin me inicialet Xh. D., 58 vjeç, banues në fshatin Katjel dhe pas kërkimeve nga ana e familjarëve, këta të fundit i kanë gjetur vetëm rrobat dhe biçikletën pranë rezervuarit të Prrenjasit.
Kushëriri i 58-vjeçaerit, shtetasi Y. M., rreth orës 01:00, të mëngjesit të sotëm, ka bërë denoncimin në Policinë e Prrenjasit, ku ka kërkuar ndihmën e uniformave blu për gjetjen e tij. Dyshohet se ai është vetëmbytur në rezervuar.
Policia bën me dije se së bashku me familjarë, kanë nisur kërkimet përgjatë rrjedhës së rezervuarit me qëllim gjetjen e trupit, teksa drejt vendit të ngjarjes janë nisur edhe polumbarët e RENEA-s për të bërë kërkimet në ujë.
Ndërkaq, raportohet se një grup i posaçëm hetimor vijon punën për dokumentimin me prova ligjore të rrethanave të rastit.
