Sfida Korabi-Luzi e parashikuar të luhej më 21 prill u shty për shkak të kushteve të këqija atmosferike në Peshkopi.
Ky takim i vlefshëm për javën e 30-të të Kategorisë së Parë u luajt ditën e sotme me vendasit që arritën një fitore spektakolare me rezultatin 5-1.
Sot djemtë e Kumbarçes nuk e vendosën në diskutim suksesin duke shënuar me Kasallën dhe Çemën në minutat 31 dhe 35. Për të rihapur duelin mendoi Patrik Treni që në shtesën e pjesës së parë ktheu në gol një penallti për Luzin.
Në fraksionin e dytë vendasit u kujdesën të shënonin dy herë me Markun në të 48′ si edhe Kasallën, për dopietën e këtij të fundit. Në fund kishte vend edhe për golin e Reçit.
Me këtë sukses Korabi ngjitet në kuotën e 43 pikëve në vendin e gjashtë dhe siguron zonën e promovimit tre ndeshje nga fundi i sezonit.
Zyrtarisht AF Elbasani dhe Bylis janë në Superligë, teksa Flamurtari, Vora, Apolonia, dhe Korabi do luftojnë në zonën e promovimit për një vend në Superligë.
Klasifikimi:
