Everton nuk gaboi në shtëpi duke mposhtur me shifrat 2-0, Nottingham Forest.
Të zotët e shtëpisë shënuan nga një gol për pjesë duke marrë tre pikë shumë të rëndësishme për mbijetesën në Premier League.
I pari që hapi llogaritë e takimit ishte Gueye, me mesfushorin që realizoi një gol mjaft të bukur nga distanca në minutën e 29.
Në fraksionin e dytë, Everton u mbrojt mirë pas disa mundësive të miqve dhe gjeti në të 76-tën golin e sigurisë me anë të Mcneil. Ky i fundit goditi saktë me të majtën nga jashtë zonës duke mposhtur portierin Sels.
Deri në fund rezultati nuk ndryshoi dhe Everton fitoi me shifrat 2-0, teksa ngjitet në kuotën e 30 pikëve në vend të 16 ndërsa nga ana tjetër, Nottingham Forest mban vendin e 17 me 26 pikë.
