Egnatia ka mundur 1-2 me përmbysje ekipin e Laçit, në ndeshjen e vlefshme për javë ne 32-të të Kategorisë Superiore.
Vendasit kaluan të parët në avantazh në pjesën e parë kur pas zhvillimeve të një këndoreje, William Cordeiro i parapriu mbrojtësve rrogozhinas dhe shkundi rrjetën e Dabjanit.
Në fraksionin e dytë, miqtë zbritën me një tjetër ritëm dhe ia dolën që brenda shtatë minutash të shënonin dy gola. Fillimisht ai që barazoi në të 62-tën ishte Montenegro ndërsa në të 69-tën, realizoi një gol mjaft të bukur Ibrahimoglu.
Në vijim, vendasit provuan që të merrnin të paktën një pikë nga kjo sfidë, por nuk ia dolën me Egnatian që rezistoi deri në fund.
Me këtë rezultat,Egnatia, e bën thuajse të garantuar vendin e parë në renditje, ndërsa nga ana tjetër, Laçi mbetet në vendin e shtatë me 38 pikë duke mbetur e përfshirë në garën e mbijetesës.
Klasifikimi:
