Detja të reja kanë dalë në dritë nga vrasja e Gentian Bejtjas, në banesën e tij në Larushkë ngjarje e ndodhur në muajin mars të këtij viti,.
Nga hetimet e deritanishme rezulton se 4 autorët e dyshuar të ngjarjes janë larguar me automjetin “Land Rover” që e kanë djegur në fshatin Hasan, dhe më pas kanë përdorur një tjetër automjet tip “Golf”, teksa ka dyshime se për arratisjen e tyre është përdorur edhe një makinë e tretë.
Raportohet se automjeti tip “Golf” që rezultoi në pronësi të të arrestuarit Edison Haxhiu, është larguar drejt Bubqit, ndërsa automjeti i tretë ka dyshime se është larguar në drejtim të qytetit të Kamzës.
Nuk dihet ende në pronësi të kujt është automjeti i tretë, ndësa grupi hetimor ka nisur punën për përcaktimin e saktë të itinerarit që kanë ndjekur 4 autorët, e atentatit të pasdites së 15 Marsit.
- Kush ishte Gentian Bejtja, si i shpëtoi dy herë atentatit
Bejtja ishte një emër i njohur për policinë. Me 9 janar të vitit 2022 Gentian Bejtja i shpëtoi një atentati në afërsi të Niklës në Fushë-Krujë ndërsa mbeti i plagosur miku i tij 31 vjeçar Klodian Stafuka që ishte me të në makinë gjatë momentit kur ndaluan për të furnizuar makinën në një pikë karburanti. Ngjarja mbetet ende e pazbuluar.
Gentjan Bejtja më 2016 i ka shpëtuar një atentati, me eksploziv. Bejtja ishte personi që së bashku me Enver Stafukën vodhën veturën e përdorur në vrasjen e kryekomisar Dritan Lamajt në vitin 2013. Por po ashtu Bejtja, një ish-polic i burgut të Fushë- Krujës, ishte i njohur për policinë për precedentë penalë në krimet ndaj pronës.
Bejtja u bë i njohur me 26 shkurt të vitit 2013, një ditë pas vrasjes së kryekomisar Dritan Lamajt, në rrugën “Petro Korçari”, fare pranë banesës së tij. Ai së bashku me Enver Stafukën, u arrestuan nga policia, të dyshuar për vjedhjen e veturës BMW, e përdorur në vrasjen e kryekomisar Lamajt. Bejtja u ekzekutua pasditen e 15 Marsit të këtij viti me breshëri kallashnikovi në banesën e tij në Larushk të Fushë-Krujës,
