14 Prill 2024. Kjo do të jetë një datë historike për Bazern Leverkusen dhe tifozët e saj.
Skuadra e drejtuar nga Xabi Alonso ka fituar për herë të parë në histori titullin kampion në Bundesligë. “Aspirinat” kanë thyer hegjemoninë e Bajernit të Mynihut pas 12 viteve dominim.
Leverkuseni e ka festuar sot titullin kampion me një goleadë kundër Werder Bremen. Boniface hapi serinë e golave në minutën e 25, kur shndërroi në gol një 11 metërsh.
Më pas ishte Granit Xhaka, ai i cili me një goditje mahnitëse nga distanca shkundi rrjetën në minutën e 60. “Perla” e tij bëri edhe komentatorët të qeshnin nga mrekullia e golit.
Më pas ishte Florian Wirtz ai që mori frerët e lojës në duar. Talenti gjerman shënoi tre gola, përkatësisht në minutat 68, 83 dhe 90.
Më tej ishte e kotë të luhej, tifozët mësynë në fushë për të ndarë gëzimin e tyre me futbollistët dhe stafin drejtues.
Më poshtë, video e golit të Granit Xhakës:
2-0 Bayer Leverkusen.
XHAKA DOUBLES THE LEAD WITH A WORLDIE !!!!!!!!!!!!!!!! THE BUNDESLIGA TITLE IS COMING !!!!!!!!!!!!!pic.twitter.com/Eh79eyYwLS
— Football Report (@FootballReprt) April 14, 2024
