Drejtori i Policisë së Shtetit, Muhamet Rrumbullaku u pyet nga gazetarët në lidhje me Ervin Muçën, drejtorin e IT, i cili është në arrest shtëpie për ndërhyrjen ne sistemin TIMS.
Duke dashur ti shmanget përgjigjes, Rrumbullaku tha se do i japë llogari vetëm drejtësisë dhe në komisionin hetimor parlamentar.
Pse emëruat në krye të drejtorisë së Teknologjisë së Informacionit një person pa certifikatë siguri dhe në kohën kur plasi skandali i TIMS dhe pse e rikthyet në detyrë pasi kishte pak ditë pasi i kishit pezulluar?
“Për ju dhe për publikun e gjerë, para se të adresoni pyetjen duhet të dini shumë mirë legjislacionin shqiptar në lidhje me informacionin e klasifikuar sekret shtetëror dhe procedura dhe aktet normative që normojnë punën për procedurat që ndiqen për pajisjen me certifikatë sigurie për të gjithë drejtuesve policore. Unë për këtë jap llogari në dy institucione, drejtësisë dhe komisionin hetimor parlamentar.”– tha Rrumbullaku
