Katër vite pas zbulimit fantastik të një helmete ilire 2500 vjeçare nga Zakotorci në Pelješac, arkeologët në të njëjtin vend, gjetën një tjetër përkrenare ilire akoma më të vjetër. Lajmi u bë i ditur nga Marta Kalebota, një arkeologe nga Muzeu i Qytetit të Korçulës dhe një anëtare e ekipit arkeologjik që kryen gërmime në Zakotorac.
I njëjti ekip që gjeti helmetën e parë në vitin 2020 gjeti edhe një përkrenare të dytë, pak më të vjetër së fundmi, por detajet do të përcaktohen përmes një analize të detajuar.
Ekipi përbëhet nga prof. Dr. Hrvoje Potrebica nga Departamenti i Arkeologjisë i Fakultetit Filozofik në Zagreb, i cili gjeti përkrenaren, dhe Dr. Domagoj Perkiq nga Muzetë e Dubrovnikut, i cili drejton ekipin dhe financon gërmimet. Ekipi përfshin gjithashtu Vicenco Pijerov, një kurator praktikant nga muzetë e Dubrovnikut, Mirna Shandriq, studente në Fakultetin Filozofik dhe Miroslav Vukoviq nga ai institucion i arsimit të lartë.
Përkrenarja ilire u gjet në një zonë të rrethuar me gurë, teksa mendohet se ishte dhuratë kushtimi për një luftëtar të vdekur. Ndonëse 2500 vjeçare është në gjendje të mirë, dhe pse ka mijëra vite që është groposur.
