Tirana në këtë sezon ka sulmin më të mirë, por deri tani ka mbrojtjen më të keqe të kampionatit dhe të dekadës duke u gjendur përballë një paradoksi të çuditshëm.
Tirana është ekipi i parë që ka pësuar më shumë këtë kampionat, plot 46 gola.
Bardheblutë janë sulmi më i mirë i kampionatit, me 49 gola të shënuar në 30 javë. Gjithsesi, Tirana është shumë keq në mbrojtje, pasi ka 46 gola të pësuar në 30 javë, ose më shumë gola të pësuar edhe sesa vendi i fundit në kampionat, Kukësi.
Në katër sezone, Tirana ka pësuar sa gjysma e këtij kampionati ose bardheblutë kanë pësuar deri në javën e 27-të, sa dy kampionate së bashku.
Me 46 gola të pësuar Tirana nuk ka mbyllur sezonin dhe ky është alarm. Një situatë që vazhdon të mos riparohet dhe është “thembra e Akilit” të bardhebluve.
Bardheblutë renditen në vendin e 6-të në kampionat dhe janë ende në garë për një vend në katërshen finale nga ku do të dalë edhe ekipi kampion i këtij sezoni. Ndeshja e radhës është të shtunën ndaj Kukësit dhe fitorja është rezultati i vetëm që kërkohet për të pasur mundësinë të luftojë për vendin e katërt.
Klasifikimi:
