Një operacion anti-drogë është zhvilluar një ditë më parë nga Policia e Lezhës dhe Forcave Operacionale, ku si rezultat janë arrestuar 3 persona.
Mes të ndaluarve është edhe vëllai i deputetit të PS Eduard Ndreca, Armando Ndreca, kunati i këtij të fundit Armel Nikndukaj, dhe shoku i tij, Elvis Shpellzai 28 vjeç.
Sipas njoftimit të policisë kunati i Armando Ndrecës dhe bashkëpunëtori i tij (Shpellzai) u kapën në flagrancë brenda një stani me kanabis në pyjet e fshatit Kashnjet. Kurse vëllai i deputetit u ndalua pas hetimeve pasi dyshohet se është i përfshirë në këtë veprimtari kriminale.
“Gjatë operacionit, në pyjet e fshatit Kashnjet, u zbulua një ambient (stan) i përshtatur me llamba që furnizoheshin me lidhje të paligjshme të energjisë elektrike, për kultivim të bimëve narkotike cannabis sativa.
Gjithashtu, u bënë të mundur identifikimi, kapja dhe arrestimi në flagrancë i autorëve të dyshuar të këtij rasti, shtetasve A. N., 27 vjeç dhe E. Sh., 28 vjeç, të dy banues në Koplik. Më tej, në vijim të veprimeve hetimore dhe procedurale për këtë rast u ndalua dhe shtetasi A. N., 32 vjeç, banues në Lezhë, pasi dyshohet se është i përfshirë në këtë veprimtari kriminale”,- thuhet në njoftimin e bluve.
Ndërkohë në ambjentin e zbuluar në Kashnjet, policia ka sekuestruar 2973 bimë narkotike (disa prej tyre fidanë të gatshëm për t’u kultivuar në tokë), një sasi lënde narkotike kanabis, 50 llamba, pajisje ventilimi, sende të tjera që i shërbenin kësaj veprimtarie kriminale dhe 3 celularë. Ndërsa në banesat e 2 të arrestuarve në flagrancë, Policia ka gjetur dhe sekuestruar 3 armë të ftohta dhe 1 maskë.
Burime nga grupi hetimor bënë të ditur se oficerët e antidrogës kanë mbajtur në vëzhgim prej disa muajsh dy kultivuesit e kanabisit. Po kështu telefonat e tyre kanë qenë në përgjim, ku Armel Nikdukaj ka folur me kunatin e tij Armando Ndreca lidhur me parcelën me kanabis.
Pamje nga zbulimi i parcelës së kanabisit:
Ndërkohë një denoncim është bërë edhe nga ish-kryeminsitri Sali Berisha, për familjen e deputetit socialist Ndreca, për përfshirje në këtë veprimtari kriminale.
Në mesazhin që daton para katër viteve, dërguar ish-kreut të qeverisë një qytetar nga Lezha denoncon kreun e PS të këtij rrethi, vëllain dhe familjen e tij se po mbjellin kanabis dhe po terrorizojnë banorët që të mbajnë gojën mbyllur.
Sipas qytetarit e gjithë familja Ndreca është e përfshirë në trafikun e kanabisit, madje njërëzit tyre në polici sigurojnë që askush të mos iu prekë ‘mallin’.
Denoncimi:
Denoncon plantacionet e droges ne Lezhe, Kashnjet!
Lidhje te ngushta te trafikante e me narkozyrtaret dhe narkopolicine.
Lexoni mesazhin e qytetarit dixhital. sb
Pershendetje Z Berisha
Un ce po ju shkruaj jam nje banor i fshatit fregen te njesis kashnjet.Jam shum i shqetesuar dhe i zhgenjyer nga kjo situat ce po ndodh ne njesin tone,ka filluar mbjellja e kanabisit ne mase nga keto kelysht e kuq, jan mbjell afro 70 mi fidane nga eduart ndreca ce esht kryetari i emeruar i ps lezhe dhe njekosisht kryetar i qarkut lezhe dhe menagjohet nga i gjith fisi po ti jap dhe me emra.Armando ndreca vellaj i eduartit ce punon tek hetimi tatimor po merret me mbielljen dhe cdo gje gjergj ndreca kshilltare ne bashki kel ndreca inspektor zone xhaxhai i eduartit,elvis ndreca i denuar per drog dhe esht i biri i policit kelit,martin ndreca polic i fnsh,gezim kola administrator i njesis i emeruar nga pjerin ndreu, mark marku me detyr shef krimesh ne ate zon kupola e policis i mbron levizin te gjith te armatosur nuk guxojm te dalim nga shpia nga terrori ce po bejn kan mbjell dhe ne sera ,kashnjet kalivac,fregen,rras,gjobardhaj,sukagju,kalor.zoti berisha do ju dergoj info te vazhdueshme pasi keto kan mbrojtje te fort nga shteti dhe rrezikojm jeten
Ju lutem anonim
Sakaq vlen të theksohet se ky nuk është rasti i parë kur njerëz me pushtet në PS janë të lidhur me trafikun e drogës. Kujtojmë se së fundmi janë ngritur akuza edhe për vëllain e kryeministrit Rama se u përfshi në trafik kokaine në grupin kriminal të dosjes “Xibraka”.
