Skënderbeu dhe Tirana kanë mbyllur në barazim ndeshjes mes tyre, luajtur në kuadër të javës së 30-të të Kategorisë Superiore
Sfida që u zhvillua në stadiumin “Skënderbeu” të Korçës, përfundoi me rezultatin 0-0. Pas kësaj sfide, për mikrofonat e MCN TV ka folur trajneri i Tiranës, Erbim Fagu.
“Shpërdoruam shumë raste sidomos në pjesën e dytë, pasi në të parën nuk kishim raste konkrete. Në pjesën e dytë filloi pak tensioni i rezultatit dhe Skënderbeu po mbrohej mirë. U munduam të luanim nga krahët pasi nga qendra ishte e vështirë, por ishim të tensionuar në momentet e fundit. Na vjen keq që nuk shënuam”, u shpreh fillimisht Fagu.
A ja falët pjesën e parë Skënderbeut?
“Kur një skuadër luan me 10 lojtarë bëhet më e ekuilibruar sesa kur është me numër të barabartë. Ndryshuam skemën dhe filluam të kishim superioritet territorial”.
Skuadra nën presion për të marrë rezultat?
“Është normale pasi kampionati po shkon drejt fundit dhe ka shumë pak pikë në lojë. Llogaritë bëhen shumë kollaj. Ka pak tension dhe presion psikologjik përsa i përket rezultatit, por ne po përpiqemi ta kalojmë sa më shpejt. E di që është e vështirë, por do përpiqemi deri në fund. 3 pikë janë, kemi akoma ndeshje për të luajtur. Unë shpresoj shumë që të kthehemi te fitorja javën e ardhshme Najdovski? Çështje taktike, plus që ai kishte gjendje gripale”.
